A Sociedad Hijos del Partido de Lalín, de La Habana, celebrou o pasado domingo o centenario da súa fundación

A Sociedad Hijos del Partido de Lalín, celebrou o pasado domingo o centenario da súa fundación na sede do Centro Galego da Habana. Durante os festexos desta destacada efemérides colocaronse ofrendas florais ante os bustos de persoeiros da colectividade sitos no centro galego, imparteuse unha conferencia sobre os momentos máis importantes deste primeiro século de vida do colectivo lalinense, concedéronse distincións ós membros máis veteranos da Sociedade así como á anterior presidenta do colectivo e leuse un saúdo enviádo por Xosé Crespo con motivo da celebracións deste centenario.

Tamén houbo lugar para o folclore coa actuación do grupo Compostelanas, formado por nenos e nenas do colectivo lalinense e para a inauguración dunha exposición con documentos, actas e fotografías que percorren a historia desta Sociedade de Emigrantes. A xornada rematou cunha merenda de confraternización.

Durante moitos anos a Sociedad de Hijos del Partido de Lalín contribuiu dende Cuba á mellora da sanidade e da educación no noso municipio e sostivo xunto coa súa homóloga arxentina o Hospitalillo de Lalín.

Cen anos despois da fundación da Sociedade, os membros da colectividade lalinense en Cuba seguen mantendo un amplo calendario de actividades e apostan decididamente pola conservación da cultura e folclore galegos. Estes xestos feitos por veciños de Lalín, dende o lonxe, e sendo algúns deles incluso descendentes de 4ª xeración dos primeiros emigrantes, débenos de motivar e facer reflexionar sobre o valor que nós dende aquí lle damos a nosa cultura e ás nosas tradicións.

Antóxase emotivo ver cómo e en qué medida se pode querer a unha terra que en moitos casos non se coñece ou a que moi probablemente moitos deles xa non han voltar; este fillos caribeños de Lalín, son, sen ningunha dúbida, un exemplo a seguir para nós que estando na casa en moitos casos actuamos coma fillos pródigos.

Motivos para crer???

.

A Mesa reicibeu do BNG case 650.000€ en subvencións durante o goberno Bipartito

A Mesa Pola Normalización Lingüística que se autodefine como "plataforma independente, plural e apartidaria" recibeu xenerosas subvencións durante os anos de goberno bipartito, sendo especialmente pródigas as axudas achegadas polas consellerías controladas polo BNG.

Entre o ano 2006 e o primeiro trimestre do ano 2009 "A Mesa" recaudou un total de695.309 euros e, desta cifra, 647.000 proceden de consellerías manexadas polo BNG.

A Vicepresidencia da Igualdade e do Benestar de Anxo Quintana foi a máis xenerosa coa asociación, xa que no 2007 lles proporcionou 223.140 euros dos 385.912 que recadou. Neste curso, a Real Academia Gallega percibiu 125.531€ menos que a Mesa Pola Normalización Lingüística; este último apartado resulta ben curioso, cando a é a RAG a institución encargada de velar polos dereitos da lingua e de elavorar a norma gramatical, fónica e ortográfica do galego.

Está ben claro que as ideas en materia lingüística da MNL e do BNG son absolutamente coincidentes así como a súa oposición frontal ó borrador do decreto plurilingue e nula disposición ó acordo co goberno popular neste ámbito.

Despois dunha lexislatura vivindo na súa trincheira de ouro, a Mesa enfróntase á súa particular travesía polo deserto da man do BNG, facendo o seu traballo alí onde o partido nacionalista non chega pola súa falta de representatividade e levando a cabo accións preventivas ante o minimo atisbo de medidas do goberno de Feijoo en materia lingüística.


.

As familias terán que pagar 290€ máis ó ano pola suba do IVE

Segundo cálculos da Organización de Consumidores e Usuarios (OCU) baseados na derradeira enquisa sobre presupostos familiares do INE cada fogar terá que pagar unha media de 288,54 € máis ó ano se se lle repercute totalmente a suba do IVE en todas as súas compras.

A OCU asegura que os seus expertos poideron calcular de maneira obxectiva o efecto para o consumidor do incremento deste imposto dende o vindeiro 1 de xullo, se os vendedores e proveedores de servizos decidisen aplicalo íntegramente ós clientes.


.

A nova canción do verán!!

Aquí vos vai unha firme candidata a "Canción do Verán" que de seguro que vos fará pasar un bo rato.

Plano de Emprego Xuvenil

O Director Xeral de Promoción de Emprego da Consellería de Traballo e Benestar, Andrés Hermida Trastoy, ven de comparecer en sede parlamentaria e confirmou o compromiso da Xunta de Galicia para coa xuventude galega destacando a estratexia de empregabilidade da poboación activa moza materializada no Plano de Emprego.

Ante unha pregunta da deputada popular María Seoane sobre o Plano de Emprego Xuvenil, o Director Xeral, Andrés Hermida, afirma que a prioridade da Xunta é o traballo estable e de calidade para a xuventude galega, ben coma traballadores por conta axena ou ben discriminando positivamente as empresas de mozos e mozas nunha clara aposta que amosa a confianza depositada na capacidade propia da mocidade de xerar emprego, defendendo o traballo autónomo.

Facendo fincapé na concreción temporal e orzamentaria conforme a criterios uniformes, tamén se destacou a importancia de plasmar a suficiente flexibilidade e amplitude que poida abranguer as distintas realidades sociais para axustarse o màximo posible á eficaz aplicación práctica do Plano de emprego consonte á heterexoneidade das distintas realidades sociais da xuventude.

O apoio a aqueles mozos e mozas en risco de exclusión social e medidas de conciliación da vida estudiantil e laboral son eixos claves e consesuar as medidas cos axentes económicos e sociais marcan o desenvolvemento do Plan, enmarcados nas Mesas polo diàlogo social.

María Seoane destacou a concreción de medidas encamiñadas a facer da eficiencia dos recursos un recurso máis no labor de goberno acaído sobor de todo neste momento de crise. ”A programación, a planificación e o diàlogo, a confianza na mocidade, fará exitosa unha estratexia que responde con medidas reais e prácticas aos problemas verdadeiros da xente do noso país”, afirmou en nome do Grupo Parlamentario Popular.

Andrés Hermida garantiu que a Xunta concentra os seus esforzos nas medidas destinadas á empregabilidade e ó descenso do número de parados priorizando a calidade e a rebaixa da temporalidade dos contratos de xente nova.


.

Moitas Gracias e boa sorte Marcos

Ás veces, temos a fortuna de atoparnos con persoas que nacen para servir e adican a súa vida a axudar ós demáis. Ás veces, atopámonos con persoas que nos axudan a reafirmar a nosa fé no ser humano, a crer que a sociedade pode ser mellor e máis xusta. Ás veces, coincidimos con persoas que nos invitan e empurran, simplemente co seu exemplo, a implicarnos, a non estar calados, a actuar, e por qué non, a revelarnos. Pero poucas veces temos a sorte de coincidir con alguén coma Marcos, co que él representa, co seu entusiasmo e co seu compromiso.

Decía o sacerdote e represaliado chino Watchman Nee que " a vida de quen serve a Deus chega ó seu fin cando remata o seu servicio", hoxe, Marcos,fainos unha promesa e reafirma a súa vontade de continuar un camiño que empezou xa tempo atrás, un roteiro baseado no compromiso e no servizo á sociedade.

Marcos, moitas gracias polo xa feito, por todo o que nos deches, e moita, moitísima sorte de cara os novos retos que agardan por ti.

Ideas es plantexamentos de futuro: conclusións do Congreso de Novas Xeracións

Na imaxe anterior podedes ver e valorar algunhas das conclusións elavoradas durante o congreso de Novas Xeracións, celebrado en Toledo os días 6 e 7 deste mes, polos mozos e mozas que alí estivemos. Son elementos para o debate e ideas de futuro que rubrican o compromiso de NN.XX. coa mocidade e co noso país.


.

Unha familia de Donsión perdeu onte a súa vivenda nun incendio

Unha familia da parroquia lalinense de Donsión perdeu onte a súa vivenda nun incendio que a calcinou por completo.

O lume deixou a esta familia do lugar de Campo sen roupa, enseres, electrodomésticos, sen recordos...

Dende Novas Xeracións de Lalín, dende a nosa modesta posición, ofrecémoslle toda a axuda que poidan precisar de nós; e animamos a todos os veciños e veciñas de Lalín a colaborar e interesarse pola situación dos afectados por este sinistro.

Entrevista a Jesús Vázquez, conselleiro de Educación

No seguinte video podedes ver unha entrevista feita ó conselleiro de educación, Jesús Vázquez, sobor do novo decreto do Galego; aloxada na canle de Youtube do Partido Popular





.

Se non hai novidade, Sabina ofrecerá o concerto inaugural do Lalín Arena

O cantautor Joaquín Sabina, a falta de confirmación definitiva, ofrecerá o concerto inaugural do Lalín Arena.

Xosé Crespo é coñecedor do impacto que pode ter este concerto para o noso concello, e valora positivamente o caracter "interxeneracional" de Sabina fronte a outras opcións, pero teme que, aínda que este evento está prácticamente ultimado, calquera detalle poida frustalo e invita á prudencia.

O multiusos Lalín-Arena estará rematado no mes de xuño e dende o Concello están a traballar para por en marcha diversos actos co gaio da inauguración deste espazo, esperado e fundamental para o noso concello, que reflexen o seu carácter multidisciplinar.

O alcalde, aínda sendo prudente, xa que as xestións aínda non están pechadas, considera que este evento será un bombazo para o noso concello e cun custo cero para as arcas municipais xa que se celebrará no marco da programación para o Xacobeo.


.

Sexto aniversario do atentado en Madrid do 11 de Marzo.

Hoxe é un día para mirar atrás agardando que o pasado non se repita.
O día de hoxe fainos ter presente, máis ca nunca, a aquelas 198 persoas que xa non están entre nós pero que xa nunca esqueceremos.

Aquel día que amenceu escuro e gris deixou no seu debe milleiros de soños, de proxectos truncados, de ilusións; que saiban as víctimas de aquel brutal atentado que contan co apoio de todo un país, que a súa dor non será esquecida, que non sofren en bao, aquel día todos deixamos unha parte de nós naquelas vías, aquel funesto día.

.

De volta da convencion de NN.XX. en Toledo desta fin de semana

Vense de celebrar esta fin de semana a covencion nacional de NN.XX. co gaiodo 30 aniversario da nosa organización xuvenil. Estes foron dous días para aprender, coñecer outros puntos de vista e compañeiros de toda España, compartir iniciativas...

Alí estivemos dous representantes de Novas Xeracións de Lalín, que vimos coas pilas cargadas e a maleta chea de novas ideas e novos proxectos.

Novas Xeracións é a organización político-xuvenil con máis membros de todo o país, a máis grande; e despois de compartir xornadas coma as que pasamos xuntos entre tantos compañeiros, é fácil darse de conta de por qué. E é que Novas Xeracións é unha organización dinámica, traballadora, que se interesa polos problemas reais da mocidade, unha organización que traballa ó pé da rúa, unha organización que non cala.

.

Comeza a séptima edición do programa "50000 árbores máis" posto en marcha polo Concello de Lalín.

O Concello de Lalín ven de por en marcha a séptima edición do programa "50.000 árbores máis" dándolle a oportunidade ós veciños e veciñas da vila de adquirir de maneira asequible tres lotes diferentes de árbores e prantas.

Poñeranse á venda 3 lotes a un prezo de 20 euros: un deles contará con carballos, outro árbores frutais e o terceiro múltiples prantas ornamentais.

Os lotes poderán reservarse en Caixanova ata o 5 de marzo e recolleranse no mercado de gando o día 12.

Esta é, sen dúbida, unha gran iniciativa a prol da repoboación e a riqueza dos nosos montes e zonas verdes, un xesto máis, dun concello que aposta de maneira decidida polo medio natural e o desenvolvemento sostible.

Comezan os "Cocidos do Camiño"

Ven de presentarse o pasado sábado a primeira edición dos "Cocidos do Camiño" que pretende dar a coñecer en Lalín outras versións do noso prato típico procedentes de localidades atravesadas polo Camiño cara a Santiago de Comspotela.

Os Cocidos Lebaniego, Maragato,"á portuguesa" e o "pot au feu" poderán ser degustados en Lalín durante o mes de Marzo. No Pazo de Bendoiro daranse cita os mellores cociñeiros de Potes, Astorga, Penafiel e Burdeos para preparar un cocido que poderá ser disfrutado por todas aquelas persoas que se apunten e reserven mesa a 25 euros por persoa.

Unha experiencia integradora que servirá para enriquecer o noso paladar e aumentar o número de localidades vencelladas con Lalín.

A intención e que cada ano se reúnan 4 ou 5 cocidos e ter unha ampla representación de eles no vindeiro 2021, próximo ano Xacobeo.

Extraído do Blog de Crespo (http://www.pepecrespo.com/index33.asp?id=287)